ഹൈദ്രബാദി ചിക്കൻ ബിരിയാണി

വളരെ എളുപ്പം തയ്യാറാക്കാൻ പറ്റുന്ന ബിരിയാണീ റെസിപി ഇതാ.ഇതിൽ വളരെ കുറച്ചു നെയ് or ഓയിൽ ചേർക്കേണ്ടതുള്ളൂ.കിടിലൻ രുചിയാണ് താനും !! എനിക്ക് കുക്കിംഗ് ഷോയിൽ നിന്നും കിട്ടിയ റെസിപിയാണ് .ഞാൻ എന്റേതായി കുറച്ചു മാറ്റങ്ങൾ വരുത്തി.

ചിക്കൻ -1 1/ 2 കെജി 

സവാള കനം കുറച്ചരിഞ്ഞത് -4 

വെളുത്തുള്ളി -6 അല്ലി 

ഇഞ്ചി -1 ചെറിയ കഷ്ണം 

തൈര് -1/2 കപ്പ് 

മുളകുപൊടി -1 ടേബിൾ സ്പൂൺ 

മല്ലിപ്പൊടി -1 ടേബിൾ സ്പൂൺ 

കുരുമുളകുപൊടി -1 ടി സ്പൂൺ 

മഞ്ഞൾപ്പൊടി-1/2 tspoon

മസാലപ്പൊടി -1 1/2 ടേബിൾ സ്പൂൺ {പെരും ജീരകം,പട്ട ,ഗ്രാമ്പൂ ഏലക്ക.ജാതിപത്രി ചൂടാക്കി പൊടിച്ചത്)

ബിരിയാണി റൈസ് -3 കപ്പ് 

നെയ് .എണ്ണ ,ഉപ്പ് .മല്ലിയില ,കാഷ്യു കിസ്മിസ്

പാനിൽ നെയ് ഒഴിച്ച് ഉള്ളി വഴറ്റി വെക്കുക. ശേഷം കാഷ്യു കിസ്മിസ് വറുത്തെടുക്കാം

ബിരിയാണി റൈസ് അരമണിക്കൂർ കുതിർത്തു വെക്കുക .

ചിക്കനിൽ മുളകുപൊടിയും മല്ലിപ്പൊടിയും മസാലയും മഞ്ഞൾപ്പൊടിയും കുരുമുളക് പൊടിയും ഇഞ്ചിയും വെളുത്തുള്ളിയും ചതച്ചെടുത്തതും ഉപ്പും ചേർത്ത് കയ് കൈകൊണ്ടുനന്നായി മിക്സ് ചെയ്ത് രണ്ടു മണിക്കൂർ വെക്കുക.ശേഷം ഒരു ടേബിൾ സ്പൂൺ നെയ് ചേർത്ത് നന്നായി ഒന്നുകൂടി മിക്സ് ചെയ്യുക

ഒരു പാത്രത്തിൽ വെള്ളം നന്നായി തിളച്ചശേഷം അൽപ്പം ഉപ്പ് ചേർക്കുക.ഇതിലേക്ക് അരിയിട്ട് 85 %വേകുമ്പോൾ വെള്ളം ഊറ്റി മാറ്റിവെക്കുക .

ചുവട് കട്ടിയുള്ള ഒരു പാത്രത്തിൽ എണ്ണ / നെയ് ഒഴിച്ച് ചിക്കൻ നിരത്തുക. ഇതിലേക്ക് തൈര് ചേർക്കുക .കൂടെ ഗ്രാമ്പൂ.ഏലക്ക;ചെറിയ കഷ്ണം പട്ട ഏലക്ക എന്നിവയും ചേർക്കുക .ശേഷം 10 മിനിറ്റ് അടച്ചു വേവിക്കുക(medium flame).ഇതിലേക്ക് വേവിച്ചു വെച്ചിരിക്കുന്ന അരി മല്ലിയിലയും പുതിനയിലയും വഴറ്റിയ ഉള്ളിയും ചേർത്ത് 7 മിനിട്ടു വേവിക്കുക (high flame )ശേഷം

15 മിനിറ്റ് മീഡിയം flame ശേഷം 15 മിനിട്ടു low flame വേവിച്ചെടുക്കുക.നെയ്യിൽ വാര്ത്ത കാഷ്യു കിസ്മിസ് വെച്ച് അലങ്കരിക്കാം . 5

ചെമ്മീന്‍ ബിരിയാണി

പുറത്തൊക്കെ പോയി ചെമ്മീന്‍ ബിരിയാണി കഴിക്കാന്നു വെച്ചിട്ടുണ്ടെങ്കിൽ ഒടുക്കത്തെ വിലയുമാണ് എന്നാല്‍ അതിനും പോന്നൊരു സ്വാദ് കിട്ടാറുല്യ. എന്നാല്‍ പിന്നെ കുറച്ച് ചെമ്മീന്‍ (കൊഞ്ച്) കിട്ടിയപ്പോൾ ഒരു ബിരിയാണി വയ്ക്കാന്നോർത്തു. സാധാരണ ബിരിയാണിയിൽ വെജിറ്റബിൾസ് ചേർക്കാറില്ല. കുറച്ചു ഹെൽത്തി ആയ്ക്കോട്ടെന്നു കരുതി ഞാന്‍ വെജിറ്റബിൾസ് ചേർത്തിട്ടുണ്ടേ.

ഇത് കായലിലെ കൊഞ്ച് ആണ്. ഇതിന്റെ കൊമ്പ് കയ്യില്‍ കൊണ്ടാലുണ്ടല്ലോ സൂചി വക്കുന്നതിനേക്കാൾ വേദനയാണ്. ഞാന്‍ മുക്കാല്‍ കിലോ കൊഞ്ച് എടുത്തു തലയും വാലും കളഞ്ഞു വൃത്തിയാക്കി എടുത്തു.

മസാല തയ്യാറാക്കാൻ അഞ്ച് വലിയ സവാള, രണ്ട് തക്കാളി, ഇഞ്ചി',വെളുത്തുള്ളി,പച്ചമുളക്, കറിവേപ്പില, വെളിച്ചെണ്ണ,കടുക്,മുളകുപൊടി, മഞ്ഞള്‍പ്പൊടി,മല്ലിപ്പൊടി,കുരുമുളക് പൊടി, ഉപ്പ് എന്നിവയൊക്കെ ആവശ്യമാണ്. പൊടികൾക്കൊക്കെ എനിക്ക് കൈ കണക്കാണ്. ചട്ടി ചൂടാക്കി എണ്ണ ഒഴിക്കുക.

എണ്ണ ചൂടാകുമ്പം കടുക് പൊട്ടിച്ച് സവാള നീളത്തില്‍ അരിഞ്ഞത് ഇട്ടു ഇളക്കിക്കോളൂ. ഒന്നു വഴറ്റിയിട്ട് ഒരു വലിയ കഷണം ഇഞ്ചി ചതച്ചതും ഒരു പിടി വെളുത്തുള്ളിചുള ചതച്ചതും രണ്ടു കൊന്തു കറിവേപ്പിലയും ചേര്‍ത്ത് നന്നായി വഴറ്റുക.

മറ്റു കറികൾ പോലെയല്ല, ബിരിയാണി എരിവ് കൂട്ടിയും കുറച്ചും പാകം ചെയ്യാം. അപ്പോള്‍ പച്ചമുളക് അതിനനുസരിച്ച് ക്രമീകരിക്കുക. ഞാന്‍ ഏഴെണ്ണം കീറിയിട്ടു.

ഇനി നന്നായി വഴന്നു കഴിയുമ്പോൾ തക്കാളി അരിഞ്ഞത് ചേര്‍ത്ത് ഇളക്കുക. മൂത്തു എണ്ണ തെളിയുമ്പം ഉപ്പും മറ്റു പൊടികളും ചേര്‍ത്ത് ഇളക്കി കൊഞ്ച് ചേർക്കുക. ഒന്നിളക്കി അടച്ചു വച്ച് വേകിക്കുക.

വെള്ളം ചേര്‍ക്കെണ്ട ആവശ്യം വരില്ല. അതവിടിരുന്ന് വേകുമ്പോഴേക്കും ചോറ് റെഡി ആക്കാം. ഞാന്‍ ഒരു അഞ്ചു ഗ്ളാസ് അരി എടുത്തു കഴുകി വെള്ളം വാര്‍ത്ത് ഒന്നു വറുത്ത് എടുത്തു.

അരി പാകം ചെയ്യാനുളള പാത്രം അടുപ്പില്‍ വെച്ച് പത്തു ഗ്ളാസ് വെള്ളം ഒഴിച്ച് ചൂടായപ്പോൾ കറുവാപ്പട്ട,ഗ്രാമ്പൂ, ജാതിപത്റി,കുരുമുളക് ഇട്ടു. പാകത്തിന് ഉപ്പ് ചേര്‍ത്ത് രണ്ട് ടേബിള്‍ സ്പൂണ്‍ നെയ്യ് ഒഴിച്ചു. തിള വന്നപ്പോൾ അര കപ്പ് കാരറ്റ്,കാബേജ്,ബീൻസ് ചെറുതായി ഗ്രേ റ്റു ചെയ്തത് ഇട്ടു കൂടെ അരിയുമിട്ടു ഒരു നാരങ്ങായുടെ നീര് ഒഴിച്ചു ഒന്നിളക്കിയിട്ട് അടച്ചു വെക്കുക. വെള്ളം വറ്റുന്നതാണ് കണക്ക്.

ദം ഇടാനുള്ള പാത്രത്തിൻറെ അകവശം നെയ്യ് പുരട്ടി മയപ്പെടുത്തുക. സവാള വട്ടത്തിലരിഞ്ഞു പാത്രത്തിൻറെ അടിയില്‍ നിരത്തി വച്ചാല്‍ കരിഞ്ഞു പിടിക്കുമെന്ന പേടി വേണ്ട കേട്ടോ.

ഇനി നമ്മുടെ മസാലയും ചോറും തയ്യാറായെങ്കിൽ ലെയറായി പാത്രത്തിൽ നിരത്താം ബിരിയാണി കുറച്ച് ഡ്രൈ ആയി കിട്ടണമെങ്കിൽ മസാല നന്നായി വറ്റിച്ച് എടുക്കാം.ഇല്ലെങ്കിൽ അത്രയും വറ്റിക്കേണ്ട. ഞാന്‍ ദം പാത്രം മൂടിവച്ചു ഒരു നനഞ്ഞ തോർത്ത് ചുറ്റിനും മുറുക്കി വയ്ക്കാറാണ് പതിവ്.മാവ് കുഴച്ചു ദം ഇടാനുള്ള മടി കൊണ്ടാണേ.മൂടിയുടെ മുകളില്‍ കുറച്ചു കനലിട്ടു കൊടുത്തു. അങ്ങനെ ഒരു 20-30 മിനിറ്റ് ചെറുതീയിൽ.തീ കെടുത്തിയതിനു ശേഷം ഒരു15 മിനിട്ട് എങ്കിലും കാത്തിരിക്കണേ.

വേകുവോളം കാത്തില്ലേ ഇനി ആറുവോളം കാത്തുകൂടേ😊 ഇനി ദം ഒക്കെ പൊട്ടിച്ചു ആ മണമൊക്കെ ആസ്വദിച്ചു പിഞ്ഞാണത്തിലേക്കു വിളമ്പിക്കോ. കൂടെയുള്ളത് പുഴമീൻ വറുത്തതാണേട്ടോ...അപ്പോള്‍ ബിരിയാണി കുശാലായി കഴിച്ചോളൂ..

ഈസിയായി ഉണ്ടാക്കാം ചിക്കന്‍ ബിരിയാണി

 ഈസിയായി ഉണ്ടാക്കാം ചിക്കന്‍ ബിരിയാണി 

പെട്ടെന്ന് എളുപ്പത്തില്‍ തയ്യാറാക്കാനിതാ ഒരു അടിപൊളി ചിക്കന്‍ ബിരിയാണി റെസിപ്പി….

ചേരുവകള്‍ ;

1. ബിരിയാണി അരി : 2 ഗ്ലാസ്‌
2. ചിക്കന്‍ : 1/2 കിലോ
3. ഗരം മസാല : 1 ടീസ്പൂണ്‍
4. മഞ്ഞള്‍ പൊടി : 1/2 ടീസ്പൂണ്‍.
5. മുളകുപൊടി- 1/2 സ്പൂണ്‍
6. കുരുമുളക് പൊടി : 1/2
7. ടീസ്പൂണ്‍ സവാള : 2 എണ്ണം
8. (വലുത്) തക്കാളി : 2
9. പച്ചമുളക് :(ചതച്ചത്) 7 എണ്ണം
10. ഇഞ്ചി, വെളുത്തുള്ളി(ചതച്ചത്) : 2
11. സ്പൂണ്‍ മല്ലിയില ( ചെറുതായി അരിഞ്ഞത് ) 1/2 കപ്പ്‌
12. ഗരം മസാല പൊടി:1/2 സ്പൂണ്‍
13. പട്ട ഗ്രാമ്പു ഏലക്ക – കുറച്ച് നെയ്യ്‌ : 2 ടേബിള്‍സ്പൂണ്‍
14. എണ്ണ : 2 ടേബിള്‍സ്പൂണ്
15. ഉപ്പ് :പാകത്തിന്

തയ്യാറാക്കുന്ന വിധം :-

                                     അരി പട്ട ഗ്രാമ്പു ഏലക്ക ഉപ്പ് എന്നിവ ചേര്‍ത്ത് വേവിച്ച് മാറ്റി വെക്കുക.ചിക്കന്‍ മുളകുപൊടി മഞ്ഞള്‍പൊടി ഉപ്പു ചേര്‍ത്ത് പോരിചെടുക്കുക.പാന്‍ ചൂടാക്കി നെയ്യൊഴിച്ച് സവോള വറുത്തു മാറ്റി വെക്കുക .ശേഷം ചിക്കന്‍ പൊരിച്ച എണ്ണയില്‍ തന്നെ സവോള തക്കാളി ഇഞ്ചി വെളുത്തുള്ളി പച്ചമുളക് എന്നിവ ചേര്‍ത്ത് വഴറ്റുക അത് വഴന്നു വരുമ്പോള്‍ മസാല പൊടികള്‍ ചേര്‍ക്കുക അല്‍പം ഉപ്പും ചേര്‍ക്കുക എന്നിട്ട് അതിലേക്കു പൊരിച്ചു വെച്ച ചിക്കന്‍ ചേര്‍ക്കുക .അതിനുമുകളില്‍ വേവിച്ചു വെച്ച ചോറ് ഇടുക അതിനുമുകളില്‍ വറുത്തു വെച്ച സവോള നിരത്തിയിടുക അതിനു മുകളികൂടി കുറച്ച് നെയ്യൊഴിച്ച് അടച്ചു വെക്കുക …10 മിനുട്ട് ചെറു തീയില്‍ വെച്ചതിനു ശേഷം എടുത്തു വിളമ്പാം…… ടെയ്സ്റ്റി ബിരിയാണി റെഡി…….

ചിക്കന്‍ ബിരിയാണി

ചിക്കന്‍ ബിരിയാണി ഉണ്ടാക്കുന്ന വിധം

കോഴിക്കോട്ടുകാര്‍ക്ക് അല്ലെങ്കില്‍ ആരെങ്കിലും കോഴിക്കോട്ട് വന്നാല്‍ എത്രകഴിച്ചാലും മടുക്കാത്ത വിഭവം ഒന്നേയുള്ളൂ- സാക്ഷാല്‍ ബിരിയാണി. അതും ചിക്കന്‍ ബിരിയാണി ആണെങ്കില്‍ പിന്നെ പറയേണ്ട. എന്നാല്‍ പലരും അത് വാരി വലിച്ചു തിന്നും എന്നല്ലാതെ എങ്ങിനെ പാചകം ചെയ്യും എന്നൊന്നും അറിയാത്തവര്‍ ആണ്. അവര്‍ക്ക് വേണ്ടിയാണ് ഈ കുറിപ്പ്.

ആവശ്യമുള്ള സാധനങ്ങള്‍

1. ചിക്കന്‍ വലിയ കഷ്ണങ്ങള്‍ – ഒരു കിലോ
2. ബസുമതി / ബിരിയാണി അരി – നാലുകപ്പ്
3. നാലു സവാള നീളത്തില്‍ അരിഞ്ഞത്
4. വെളുത്തുള്ളി പത്ത് അല്ലി
5. ഇഞ്ചി ഒരു കഷ്ണം
6. പച്ചമുളക് – ആറ്
7. കുരുമുളക് പൊടി – അര സ്പൂണ്‍
8. ഉപ്പ്, മഞ്ഞള്‍ ആവശ്യത്തിനു
9. ഏലക്ക – എട്ട്
10. പെരുംജീരകം മുതലായ മസാലക്കൂട്ട് പൊടി
11. കറുവ, ഗ്രാമ്പു – ആറ്
12. തക്കാളി – രണ്ട്
13. മല്ലി, പോദിന ഇല – ഓരോപിടി
14. ഉണക്ക മുന്തിരി, അണ്ടിപ്പരിപ്പ് – അര ക്കപ്പ്
15. എണ്ണ/നെയ്യ് – അര കപ്പ്
16. മുട്ട
17. വെള്ളം – (ഒരു കപ്പ് അരിക്ക് ഒന്നേകാല്‍ കപ്പ് വെള്ളം എണ്ണ കണക്ക്)

പാചകം ചെയ്യുന്ന രീതി

മസാല പൊടിയും, ഇഞ്ചി, വെളുത്തുള്ളി, പച്ചമുളക്, പോദിന ഇലയുടെ പകുതി ഇവ നല്ല പോലെ അരച്ചെടുക്കുക. (ഇതാണ് ചിക്കനില്‍ പുരട്ടി വെക്കേണ്ടത്).

മസാല യുടെ പകുതി, മഞ്ഞള്‍, ഉപ്പ് ഇവ ചിക്കനില്‍ പുരട്ടി വെക്കുക. (അര മണിക്കൂര്‍ മിനിമം). അരി അര മണിക്കൂര്‍ വെള്ളത്തില്‍ ഇട്ടു കുതിര്‍ത്ത ശേഷം വെള്ളം വാലാന്‍ വെക്കുക.

തക്കാളി ചെറിയ കഷ്ണങ്ങള്‍ ആയി മുറിക്കുക.

അണ്ടിപ്പരിപ്പും ഉണക്കമുന്തിരിയും കുറച്ചു സവാളയും എണ്ണയില്‍ വറുത്തു കോരി വെക്കുക.

ബാക്കി വന്ന എണ്ണയില്‍ ബാക്കി ഉള്ള സവാള വഴട്ടുക. നിറം മാറുമ്പോള്‍ ബാക്കി വന്ന അരച്ചെടുത്ത മസാല ഇട്ടു ഇളക്കുക. പച്ച മണം മാറുമ്പോള്‍ തക്കാളി ഇടുക. തക്കാളി ഉടഞ്ഞു എണ്ണ തിളച്ചു വരുമ്പോള്‍ ബിരിയാണി മസാല, തയിര്‍, കറിവേപ്പില ഇവ ഇട്ടെലെക്കുക. മസാല പുരട്ടിവെച്ചിരിക്കുന്ന ചിക്കന്‍ കഷങ്ങള്‍ ഇതില്‍ ഇട്ട ഇളക്കുക. കുക്കറില്‍ ഒരു വിസില്‍ വന്നതിനു ശേഷം എടുത്തു മാറ്റി വെക്കുക.

കാല്‍ കപ്പ് എണ്ണ/ നെയില്‍ ആറ് ഗ്രാമ്പു, രണ്ടു പട്ട, മൂന്നു ഏലക്ക, ഇവ മൂപ്പിക്കുക. ഇതു മൂത്ത് കഴിയുമ്പോള്‍ അറിയും ഇട്ടു വറുക്കുക. അരി നന്നായി മൂകന്നത് വരെ ഇളക്കുക. അഞ്ചു കപ്പ് വെള്ളം, നാരങ്ങ നീര്‍, ഉപ്പ് എന്നിവ ചേര്ക്കുക. അരി പകുതി വേവാകുമ്പോള്‍ പത്രം മൂടി അടുപ്പില്‍ നിന്നും ഇറക്കി വെക്കുക.

ഓവനില്‍ വെക്കാന്‍ പാകത്തിനുള്ള ഒരു പാത്രത്തിന്റെ അടിയില്‍ എണ്ണമയം പുരട്ടി അതില്‍ ചിക്കന്റെ പകുതി നിരത്തുക. അതിന്റെ മുകളില്‍ ചോറും നാരങ്ങ നീരും നിരത്തുക. വറുത്തു വെച്ചിരിക്കുന്ന സവാളയും മുന്തിരിങ്ങയും അണ്ടിപ്പരിപ്പും ഇതിന്റെ മുകളില്‍ വിതറുക. ഓവന്‍ ചൂട്‌ക്കൈ അതി അര മണിക്കൂര്‍ വെക്കുക.

(ഒരു നനഞ്ഞ തുണിയോ, ടിഷ്യൂ എന്ത്കിലും കൊണ്ട് പത്രം മൂടുന്നത് നന്നായിരിക്കും.)