സ്വാദിഷ്ടമായ തട്ട്കട സ്പെഷ്യൽ ചിക്കൻ ഫ്രൈ

തട്ടുകടയിലെ നല്ല ചൂട് കട്ടൻ കാപ്പിയും പൊറോട്ടയും ചിക്കൻ ഫ്രൈയും ഇഷ്ട്ടാമില്ലാത്ത ആരേലും ഉണ്ടെന്നു എനിക്കെങ്ങും തോന്നുന്നില്ല പിള്ളേരെ...

പിന്നേ ഒടുവിൽ ചിക്കൻ ഫ്രൈ ചെയ്ത എണ്ണയിൽ രണ്ടു പച്ചമുളകും കുറച്ചു ക്റിവേപ്പിലയും പ്രേത്യേകം മൂപ്പിച്ചിട്ടു. . ഇതൊരിക്കലും ചിക്കൻറെ മസാലയുടെ കൂടെ ചേർക്കരുത്...

1.ചിക്കൻ - കടയിൽ നിന്നും വാങ്ങുമ്പോൾ ഫ്രൈ ചെയ്യാൻ ആണെന്ന് പ്രത്യേകം പറഞ്ഞു കട്ട് ചെയ്തു വാങ്ങുക.

2.വറ്റല് മുളക് - ഒരു കിലോ ചിക്കന് പതിനഞ്ചു മുതൽ ഇരുപതു വറ്റല് മുളക് വരെ എടുക്കാം , മിക്സിയിൽ അരച്ച് പേസ്റ്റ് ആക്കി വയ്ക്കുക (മുളക് പൊടി,കുരുമുളക് ,പച്ചമുളക് എന്നിവ ഈ കൂട്ടിൽ ഇല്ല)

3.ഇഞ്ചി വെളുത്തുള്ളി ചതചെടുത്തത് - നല്ല പേസ്റ്റ് പരുവം വേണ്ട. കാരണം ഈ സാധനങ്ങളാണ് ചിക്കൻ ഫ്രൈയുടെ കൂടെ വരുന്ന പൊടി ആയി മാറുന്നത് ,നന്നായി അരഞ്ഞു പോയാൽ രുചികരമായ ചിക്കൻ പൊടി കിട്ടില്ല. പ്രത്യേകം ശ്രദ്ധിക്കുക വറ്റൽ മുളക്-ഇഞ്ചി-വെളുത്തുള്ളി പേസ്റ്റ് നിറയെ ഉണ്ടെങ്കിലെ ശരിയായ രുചി കിട്ടുകയുള്ളൂ.

4.ഗരം മസാല പൊടി - മൂന്നു സ്പൂണ്‍ (പട്ട ഗ്രാമ്പൂ ഏലയ്ക്ക ജാതി തുടങ്ങിയവ ചീനചട്ടിയിൽ ഇട്ടു ചെറു തീയിൽ പത്തു സെക്കണ്ട് ചൂടാക്കി ,അടുപ്പിൽ നിന്നും മാറ്റി പത്തു മിനിട്ട് വച്ച് തണുത്തതിനു ശേഷം പോടിചെടുത്തു പാത്രത്തിലേക്ക് മാറ്റിയാൽ നല്ല ഹോം മേഡ് ഗരം മസാല റെഡി )

5.കട്ടി തൈര് -- അര ഗ്ലാസ്‌ ( ങേ ,ചിക്കൻ ഫ്രൈയിൽ തൈരോ ?? അതെ തൈരെന്നു വച്ചാൽ സംഭാരം പോലെ കട്ടി കുറഞ്ഞു പുളിച്ച തൈരല്ല വേണ്ടത് ,നല്ല കട്ടിയുള്ള "യൊഗർട്ട്" ആണ് വേണ്ടത് ,സൂപ്പർ മാർക്കറ്റിൽ കിട്ടുന്ന ടിൻ തൈര് ,അത് തന്നെ സാധനം ,ഇതാണ് ഈ ഫ്രൈയുടെ മെയിൻ ടേസ്റ്റ് )

6.ഉപ്പ് - ആവിശ്യത്തിന് ,ചിലർക്ക് ഉപ്പു കൂടാറുണ്ട് ,ചിലപ്പോൾ കുറഞ്ഞു പോകും , സത്യം പറഞ്ഞാൽ ഒരു പീസ്‌ ചിക്കന് കാൽ സ്പൂണിൽ താഴെ മതി ഉപ്പ്‌ ,അതാണ്‌ കണക്ക് .

7.മഞ്ഞൾ പൊടി - കാൽ സ്പൂണ്‍ (നിർബന്ധമില്ല )

8.മുട്ട - രണ്ടെണ്ണം ബീറ്റ് ചെയ്തത്

*************************************************************

മേൽപ്പറഞ്ഞ സാധനങ്ങൾ എല്ലാം കൂടി നല്ല വണ്ണം മിക്സ്‌ ചെയ്യുക , കൈ കൊണ്ട് നല്ല വണ്ണം പീസുകളിൽ തേച്ചു കുഴക്കണം , എത്രത്തോളം കുഴയ്ക്കുന്നുവോ അത്രത്തോളം സോഫ്റ്റ്‌ ആകും ഫ്രൈ.

കുറഞ്ഞത്‌ രണ്ടു മണിക്കൂറെങ്കിലും ഇത് മൂടി വയ്ക്കണം , ഫ്രിഡ്ജിൽ വച്ചാൽ അത്രയും നന്ന്,പക്ഷെ പുറത്തെടുത്തു തണുപ്പ് മാറിയതിനു ശേഷം മാത്രം പൊരിക്കുക . (ഇങ്ങനെ തേച്ചു വയ്ക്കുമ്പോൾ തന്നെ ഇറച്ചി പകുതി വേവും എന്നാണു സുകുമാരണ്ണൻ പറയുന്നത് ,അത് കൊണ്ടാണ് തട്ടുകടയിൽ നമ്മുടെ മുന്നില് വച്ച് വെറും അഞ്ചു മിനിട്ട് കൊണ്ട് കോഴി എണ്ണയിലിട്ട് പൊരിചെടുത്തു പ്ലേറ്റിൽ തട്ടുന്നത്.)

ഇനി നല്ല കുഴിവുള്ള ഒരു ചട്ടി എടുത്തു നിറയെ വെളിച്ചെണ്ണ ഉഴിക്കുക ,എണ്ണ ചൂടായ ശേഷം പീസുകൾ ഓരോന്നായി കോരിയിടുക,മീഡിയം തീയിൽ പൊരിക്കുക ,മൂടി വയ്ക്കരുത് . ഇടയ്ക്കിടയ്ക്ക് ഇളക്കി കൊടുക്കണം ,

ഇറച്ചി വെന്തു കഴിഞ്ഞു കൊരുന്നതിനു മുന്പ് തീ കൂട്ടി വയ്ച്ചു പീസുകൾ ബ്രൌണ്‍ കളർ ആക്കുക ,ബ്ലാക്ക് ആകുന്നതിനു മുന്പ് കോരി മാറ്റുക , പീസുകൾ എല്ലാം എടുത്തതിനു ശേഷം ചട്ടിയിൽ ഉള്ള പൊടി കോരിയെടുത്തു പീസിനു മുകളിൽ തട്ടുക ,സൈഡിൽ ഒരു ഭംഗിയ്ക്ക് വേണമെങ്കിൽ സവാള അരിഞ്ഞതും വയ്ക്കാം .

ഇപ്പോൾ നിങ്ങളുടെ മുന്നിലിരിക്കുന്നതാണ് സ്വാദിഷ്ടമായ ഫാസ്റ്റ് ഫുഡ് തട്ട് കട സ്പെഷ്യൽ ചിക്കൻ ഫ്രൈ.

നോട്ട് - പച്ച മുളകും കുരുമുളകും നാരങ്ങാ നീരും ഉള്ളിയും കറിവേപ്പിലയും മുളക് പൊടിയും മല്ലി പൊടിയും ഒന്നും ചേർത്ത് ഇത് കുളമാക്കരുത് ,അങ്ങനെ ചെയ്‌താൽ "മറ്റേ" ടേസ്റ്റ് കിട്ടില്ലാ. ഓർക്കുക.

ചെമ്മീന്‍ ബിരിയാണി

പുറത്തൊക്കെ പോയി ചെമ്മീന്‍ ബിരിയാണി കഴിക്കാന്നു വെച്ചിട്ടുണ്ടെങ്കിൽ ഒടുക്കത്തെ വിലയുമാണ് എന്നാല്‍ അതിനും പോന്നൊരു സ്വാദ് കിട്ടാറുല്യ. എന്നാല്‍ പിന്നെ കുറച്ച് ചെമ്മീന്‍ (കൊഞ്ച്) കിട്ടിയപ്പോൾ ഒരു ബിരിയാണി വയ്ക്കാന്നോർത്തു. സാധാരണ ബിരിയാണിയിൽ വെജിറ്റബിൾസ് ചേർക്കാറില്ല. കുറച്ചു ഹെൽത്തി ആയ്ക്കോട്ടെന്നു കരുതി ഞാന്‍ വെജിറ്റബിൾസ് ചേർത്തിട്ടുണ്ടേ.

ഇത് കായലിലെ കൊഞ്ച് ആണ്. ഇതിന്റെ കൊമ്പ് കയ്യില്‍ കൊണ്ടാലുണ്ടല്ലോ സൂചി വക്കുന്നതിനേക്കാൾ വേദനയാണ്. ഞാന്‍ മുക്കാല്‍ കിലോ കൊഞ്ച് എടുത്തു തലയും വാലും കളഞ്ഞു വൃത്തിയാക്കി എടുത്തു.

മസാല തയ്യാറാക്കാൻ അഞ്ച് വലിയ സവാള, രണ്ട് തക്കാളി, ഇഞ്ചി',വെളുത്തുള്ളി,പച്ചമുളക്, കറിവേപ്പില, വെളിച്ചെണ്ണ,കടുക്,മുളകുപൊടി, മഞ്ഞള്‍പ്പൊടി,മല്ലിപ്പൊടി,കുരുമുളക് പൊടി, ഉപ്പ് എന്നിവയൊക്കെ ആവശ്യമാണ്. പൊടികൾക്കൊക്കെ എനിക്ക് കൈ കണക്കാണ്. ചട്ടി ചൂടാക്കി എണ്ണ ഒഴിക്കുക.

എണ്ണ ചൂടാകുമ്പം കടുക് പൊട്ടിച്ച് സവാള നീളത്തില്‍ അരിഞ്ഞത് ഇട്ടു ഇളക്കിക്കോളൂ. ഒന്നു വഴറ്റിയിട്ട് ഒരു വലിയ കഷണം ഇഞ്ചി ചതച്ചതും ഒരു പിടി വെളുത്തുള്ളിചുള ചതച്ചതും രണ്ടു കൊന്തു കറിവേപ്പിലയും ചേര്‍ത്ത് നന്നായി വഴറ്റുക.

മറ്റു കറികൾ പോലെയല്ല, ബിരിയാണി എരിവ് കൂട്ടിയും കുറച്ചും പാകം ചെയ്യാം. അപ്പോള്‍ പച്ചമുളക് അതിനനുസരിച്ച് ക്രമീകരിക്കുക. ഞാന്‍ ഏഴെണ്ണം കീറിയിട്ടു.

ഇനി നന്നായി വഴന്നു കഴിയുമ്പോൾ തക്കാളി അരിഞ്ഞത് ചേര്‍ത്ത് ഇളക്കുക. മൂത്തു എണ്ണ തെളിയുമ്പം ഉപ്പും മറ്റു പൊടികളും ചേര്‍ത്ത് ഇളക്കി കൊഞ്ച് ചേർക്കുക. ഒന്നിളക്കി അടച്ചു വച്ച് വേകിക്കുക.

വെള്ളം ചേര്‍ക്കെണ്ട ആവശ്യം വരില്ല. അതവിടിരുന്ന് വേകുമ്പോഴേക്കും ചോറ് റെഡി ആക്കാം. ഞാന്‍ ഒരു അഞ്ചു ഗ്ളാസ് അരി എടുത്തു കഴുകി വെള്ളം വാര്‍ത്ത് ഒന്നു വറുത്ത് എടുത്തു.

അരി പാകം ചെയ്യാനുളള പാത്രം അടുപ്പില്‍ വെച്ച് പത്തു ഗ്ളാസ് വെള്ളം ഒഴിച്ച് ചൂടായപ്പോൾ കറുവാപ്പട്ട,ഗ്രാമ്പൂ, ജാതിപത്റി,കുരുമുളക് ഇട്ടു. പാകത്തിന് ഉപ്പ് ചേര്‍ത്ത് രണ്ട് ടേബിള്‍ സ്പൂണ്‍ നെയ്യ് ഒഴിച്ചു. തിള വന്നപ്പോൾ അര കപ്പ് കാരറ്റ്,കാബേജ്,ബീൻസ് ചെറുതായി ഗ്രേ റ്റു ചെയ്തത് ഇട്ടു കൂടെ അരിയുമിട്ടു ഒരു നാരങ്ങായുടെ നീര് ഒഴിച്ചു ഒന്നിളക്കിയിട്ട് അടച്ചു വെക്കുക. വെള്ളം വറ്റുന്നതാണ് കണക്ക്.

ദം ഇടാനുള്ള പാത്രത്തിൻറെ അകവശം നെയ്യ് പുരട്ടി മയപ്പെടുത്തുക. സവാള വട്ടത്തിലരിഞ്ഞു പാത്രത്തിൻറെ അടിയില്‍ നിരത്തി വച്ചാല്‍ കരിഞ്ഞു പിടിക്കുമെന്ന പേടി വേണ്ട കേട്ടോ.

ഇനി നമ്മുടെ മസാലയും ചോറും തയ്യാറായെങ്കിൽ ലെയറായി പാത്രത്തിൽ നിരത്താം ബിരിയാണി കുറച്ച് ഡ്രൈ ആയി കിട്ടണമെങ്കിൽ മസാല നന്നായി വറ്റിച്ച് എടുക്കാം.ഇല്ലെങ്കിൽ അത്രയും വറ്റിക്കേണ്ട. ഞാന്‍ ദം പാത്രം മൂടിവച്ചു ഒരു നനഞ്ഞ തോർത്ത് ചുറ്റിനും മുറുക്കി വയ്ക്കാറാണ് പതിവ്.മാവ് കുഴച്ചു ദം ഇടാനുള്ള മടി കൊണ്ടാണേ.മൂടിയുടെ മുകളില്‍ കുറച്ചു കനലിട്ടു കൊടുത്തു. അങ്ങനെ ഒരു 20-30 മിനിറ്റ് ചെറുതീയിൽ.തീ കെടുത്തിയതിനു ശേഷം ഒരു15 മിനിട്ട് എങ്കിലും കാത്തിരിക്കണേ.

വേകുവോളം കാത്തില്ലേ ഇനി ആറുവോളം കാത്തുകൂടേ😊 ഇനി ദം ഒക്കെ പൊട്ടിച്ചു ആ മണമൊക്കെ ആസ്വദിച്ചു പിഞ്ഞാണത്തിലേക്കു വിളമ്പിക്കോ. കൂടെയുള്ളത് പുഴമീൻ വറുത്തതാണേട്ടോ...അപ്പോള്‍ ബിരിയാണി കുശാലായി കഴിച്ചോളൂ..

നല്ല എരിവുള്ള ഒരു ബീഫ് ഫ്രൈ ആയാലോ.

ചോറിന്റെയും ചപ്പാത്തിയുടെയും അപ്പത്തിന്റെയും ഒക്കെ ബെസ്റ്റ് കോമ്പിനേഷൻ ആണ്.

കുറച്ചു നെയ്യുള്ള ബീഫ് ആണെങ്കിൽ നമുക്ക് എളുപ്പത്തിൽ ഫ്രൈ ആക്കി എടുക്കാൻ പറ്റും.

1/2 Kg ബീഫ് കഷണങ്ങൾ ആക്കി കഴുകി വെള്ളം പിഴിഞ്ഞ് കളഞ്ഞു എടുക്കുക. 1/2 Tbsp ഇഞ്ചി ചതച്ചത്, 1/2 Tbsp വെളുത്തുള്ളി ചതച്ചത്, 1 Tsp വിനാഗിരി, 1/4 Tsp മഞ്ഞൾ പൊടി, 3-4 പച്ചമുളക്,6- 8 ചുവന്നുള്ളി അരിഞ്ഞത്, 1 Tsp കുരുമുളക് ഇടിച്ചത്, ഉപ്പ്, കറി വേപ്പില ഇവ ചേർത്തു തിരുമ്മി 20 മിനിറ്റ് വെച്ച ശേഷം വെള്ളം ചേർക്കാതെ കുക്കറിൽ വേവിച്ചെടുക്കുക.

ഒരു പാനിൽ വെളിച്ചെണ്ണ ചൂടാക്കി 1/2 Tsp പെരുംജീരകം ഇട്ടു മൂത്തു വരുമ്പോൾ 1/2 Tbsp ഇഞ്ചി ചതച്ചത്, 1/2 tbsp വെളുത്തുള്ളി ചതച്ചത്, ഒരു സവാള നീളത്തിൽ അരിഞ്ഞത് ഇവ വഴറ്റുക. നന്നായി മൊരിഞ്ഞു വരുമ്പോൾ 1 Tbsp മുളക് പൊടി, 1 Tsp മല്ലി പൊടി, 1/4 Tsp മഞ്ഞൾ പൊടി, 1/2 Tsp ഗരം മസാല ചേർത്ത് വഴറ്റുക. ഇതിലേക്ക് വേവിച്ച ബീഫ് ചേർത്ത് 3-4 minute ചെറിയ തീയിൽ വെച്ച ശേഷം ( മസാല പിടിക്കാൻ വേണ്ടി )1/2 Tsp ഗരം മസാല, 1/2 Tsp വിനാഗിരി ചേർത്ത് നന്നായി ഫ്രൈ ചെയ്തെടുക്കുക.

ചില്ലി സോയാ ചങ്ക്സ്

സോയാ ചങ്ക്സ് – 150 ഗ്രാം

മാരിനേറ്റ് ചെയ്യാന്‍ :-
ഇഞ്ചി വെളുത്തുള്ളി പേസ്റ്റ് - 1ടേബിള്‍ സ്പൂണ്‍
കാശ്മീരി മുളക് പൊടി - 1 ടീസ്പൂണ്‍
കുരുമുളക് പൊടി – 1 ടീസ്പൂണ്‍
സോയാ സോസ് - 1 ടേബിള്‍ സ്പൂണ്‍
മുട്ട – 2 എണ്ണം
കോണ്‍ഫ്ലോര്‍ - 8 ടേബിള്‍സ്പൂണ്‍
ഉപ്പ്

മസാലക്ക് :-
സവാള – 3 എണ്ണം
ഇഞ്ചി, വെളുത്തുള്ളി ചെറുതായി അരിഞ്ഞത് – 1 ടേബിള്‍ സ്പൂണ്‍
കാപ്സിക്കം – 1 എണ്ണം
കാശ്മീരി മുളക് പൊടി - 1 ടീസ്പൂണ്‍
കുരുമുളക് പൊടി – 1 ടീസ്പൂണ്‍
ടൊമാറ്റോ സോസ് – 4 ടേബിള്‍ സ്പൂണ്‍
സോയാ സോസ് - 1 ടേബിള്‍ സ്പൂണ്‍
മല്ലിയില
ഉപ്പ്
എണ്ണ – ആവശ്യത്തിന്

ഉണ്ടാക്കുന്ന വിധം : -
സോയാ ചങ്ക്സ് ചൂടുവെള്ളത്തില്‍ അര മണിക്കൂര്‍ ഇട്ടു വെക്കുക. അതിനു ശേഷം കഴുകി വാരി നന്നായി പിഴിഞെടുക്കുക.

ഇതിലേക്ക് മാരിനേറ്റ് ചെയ്യാനുള്ള മസാലകളെല്ലാം പുരട്ടി അര മണിക്കൂര്‍ വെക്കുക.

അതിനു ശേഷം ഫ്രയിങ് പാനില്‍ എണ്ണയൊഴിച്ച് സോയാ ചങ്ക്സ് വറുത്ത് കോരി മാറ്റി വെക്കുക. അധികം ബ്രൌണ്‍ നിറമാകരുതു ... ഹാര്‍ഡ് ആയിപ്പോകും .

അതേ എണ്ണയില്‍ നിന്നും ആവശ്യത്തിന് എണ്ണയെടുത്ത് സവാള, ഇഞ്ചി, വെളുത്തുള്ളി എന്നിവ വഴറ്റുക. ആവശ്യത്തിന് ഉപ്പ് ചേര്‍ക്കുക.
ഇതിലേക്ക്, കുരുമുളക് പൊടി, കാപ്സിക്കം, കാശ്മീരി മുളക് പൊടി, ടൊമാറ്റോ സോസ്, സോയാ സോസ് എന്നിവ ചേര്‍ത്തു ഇളക്കിയതിന് ശേഷം വറുത്ത് വെച്ചിരിക്കുന്ന സോയാ ചങ്ക്സ് ചേര്‍ത്തു നന്നായി ഇളക്കി യോചിപ്പിക്കുക.

മല്ലിയില വിതറി ചൂടോടെ ചപ്പാത്തിക്കൊപ്പം കഴിക്കാം

പോത്ത് വരട്ടിയത്

പോത്ത് വരട്ടിയത്.
ബീഫ്.....................1Kg
ചെറിയ ഉള്ളി.......500g
മുളക് പൊടി.........2tsp
മഞ്ഞള്‍ പൊടി..........2tsp
മല്ലി പൊടി............1tsp
കുരുമുളക് പൊടി.3tsp
വെളുത്തുളളി ഇഞ്ചിപേസ്റ്റ്..4tsp
കറി വേപ്പില കുറച്ച്
വെളിച്ചെണ്ണ
വെള്ളം
ഉപ്പ്
ഉണ്ടാക്കുന്നത്
ഒരു പാത്രത്തിൽ ഇറച്ചി ഇട്ട് മഞ്ഞള്‍പൊടി, മുളക്പൊടി, മല്ലിപൊടി, ഇഞ്ചി വെളുത്തുളളി പേസ്റ്റ് 2tsp, ആവശ്യത്തിന്ഉപ്പ് ചേര്‍ത്ത് നന്നായി കുഴച് കുറച്ച് വെള്ളം ചേര്‍ത്ത് വേവിക്കുക ഫുൾ വെള്ളം വറ്റിക്കരുത് . എന്നിട്ട് വേറെ ഒരു ചട്ടിയിൽകുറച്ച് വെളിച്ചെണ്ണ ഒഴിച്ച് കറിവേപ്പില, നുറുക്കിയചെറിയ ഉളളി, ഇഞ്ചി വെളുത്തുളളി 2tsp എന്നിവ ചേര്‍ത്ത് brown നിറത്തിൽ ആകും വരെ വരട്ടുക. എന്നിട്ട് അതിലോട്ട് ഇറച്ചി ഇട്ട് 3tsp കുരുമുളക് പൊടിയും ചേര്‍ത്ത് അതിലെ വെള്ളം ശരിക്കും വറ്റിക്കുക വെള്ളം വറ്റിയാൽ ഒരു 10മിനുട്ട് മൂടി വെക്കുക .
സാധനം റെഡി
നല്ലോണം ഉണങ്ങിയ ഓലച്ചൂട്ട് ഉപയോഗിച്ച് തീ ആളിക്കുകയെ പാടുള്ളു. നനഞ്ഞ ചൂട്ട് പുകഞ്ഞ് കത്തിയാല്‍ പുകച്ചൂര് വരും....
ഞാന്‍ ഉത്തരവാദിയല്ല.....
വിളമ്പും മുമ്പ് വാട്ടിയ വാഴയിലയില്‍ പലതായി പൊതിഞ്ഞ് കെട്ടിയാല്‍ രുചി കൂടിപ്പോകും.....അങ്ങിനെ....
ഒാരോ പൊതി ഓരോര്‍ത്തര്‍ക്ക് കൊടുക്കാം......
ഒരു പൊതി എനിക്കും കൂടി തരണമെന്ന്  മാത്രം..